鄰舍，你好。

要成就一班鄰舍、好朋友同好街坊一齊高高興興食餐團年飯唔係一件容易嘅事，衷心感謝各位嚟食飯嘅鄰舍、幫忙開飯嘅人、協作單位等（太多，未能盡錄）。多謝你哋，鄰舍 ‧ 一直都在，就係講呢啲，就係因為有你哋。

對各位青協鄰舍隊、義工、青協同工嚟講，最難，未必在於各式各樣、林林總總嘅前期準備，而係在於點樣先可以透過種種唔同嘅行動關懷鄰舍、鼓勵鄰舍「打開鐵閘的阻隔」，將人與人之間嘅高牆同隔膜拆除，發揮守望相助、互相尊重嘅精神。「快樂送上門」、「鄰舍愛心湯」、「送米助人計劃」、「愛里不理音樂劇」…一切一切嘅汗水，都係為咗同鄰舍講聲「鄰舍你好！」

一家人，食個飯，其實一啲都唔難。下年鄰舍團年飯，約定您，到時見。